Të martën e 22 nëntorit Komuna e Gjakovës ka njoftuar se është ndaluar qarkullimi në aksin rrugor që lidh fshatrat Ujz dhe Rugovë.
Sipas njoftimit të Komunës së Gjakovës, ky aks rrugor është ndaluar për qarkullim për shkak të dëmtimit të urës, e cila përbën rrezik për kalimin e automjeteve.
Pasi që ky aks rrugor u ndalua, patrullat policore kanë vendosur shirita të ndalimit të qarkullimit në këtë urë.
“Sektori për Transport dhe Trafik ka pranuar njoftim nga stacioni policor për ndalim të qarkullimit në aksin rrugor që lidh fshatrat Ujz dhe Rogovë”, thuhet në njoftimin e Komunës së Gjakovës.
“Kjo për shkak të dëmtimit të urës e cila siç shihet në fotografi përbën rrezik për kalimin e automjeteve mbi të dhe si rrjedhojë e kësaj, patrullat policore kanë vendosur shirita të ndalimit të qarkullimit në këtë urë”, thuhet tutje në njoftim.