Platforma qytetare “Liria ka Emër” ka paralajmëruar vazhdimin e protestës për të katërtën ditë me radhë në Prishtinë, pas aktgjykimit të Dhomave të Specializuara të Kosovës në Hagë ndaj ish-krerëve të UÇK-së, Hashim Thaçi, Kadri Veseli, Jakup Krasniqi dhe Rexhep Selimi.
Përmes një njoftimi në rrjetet sociale, “Liria ka Emër” ka ftuar qytetarët që t’i bashkohen tubimit që do të mbahet sonte në sheshin “Skënderbeu”, duke nisur nga ora 21:00, njofton Dukagjini.
“Shihemi n’21:00 n’shesh!”, thuhet në njoftim.
Kujtojmë se qindra qytetarë janë mbledhur për tri netë rresht duke vazhduar edhe sonte në mbështetje të ish-krerëve të UÇK-së dhe kundër vendimit të Gjykatës Speciale.