Gjykata Themelore në Prishtinë – Departamenti Special, e ka shpallur aktgjykimin kundër 11 të akuzuarve për veprën penale “në bashkëkryerje dhe në vazhdimësi Kontrabandimi i mallrave”.
Në njoftimin e gjykatës janë dhënë detaje për rastet e 11 të akuzuarve. Dhjetë nga ta janë dënuar me burg kurse njëri prej tyre vetëm me gjobë.
11 persona janë akuzuar nga Prokuroria, pasi nga viti 2017 e deri në muajin maj të vitit 2019, në vazhdimësi dhe në bashkëkryerje edhe me të pandehurit D.I dhe B.R, të cilët gjenden në arrati, me qëllim të përfitimit material të kundërligjshëm kanë kontrabanduar kafshë nga Republika e Serbisë për në Republikën e Kosovës, duke iu shmangur kontrollit doganor dhe tarifave doganore.
Personat e dënuar janë: I.J, A.I, F.I, B.U, N.J, XH.J, M.J, N.B, B.M, J.M dhe S.I.
Dënimet e secilit veç e veç mund t’i lexoni në webfaqen e Gjykatës Themelore të Prishtinës.