Trajneri i Prishtinës, Ismet Munishi është dënuar nga komisioni Disiplinor i Federatës së Futbollit të Kosovës pas akuzave në adresë të gjyqtarëve pas ndeshjes Prishtina – Ballkani.
Munishi është dënuar me 300 euro gjobë.
Munishi disa herë këtë edicion ka akuzuar gjyqtarët për ndikim në rezultatin e ndeshjeve.
Ai ka pretenduar se skuadra e Prishtinës po dëmtohet.
“Kryetrajneri i FC ”Prishtina”, Ismet Munishi , nr ID.009766M74. Në prononcimin për media pas përfundimit të ndeshjes akuzon gjyqtarët për epilogun përfundimtar të ndeshjes Prishtina-Ballkani si dhe të disa ndeshjeve të këtij stinori. Sipas xhirimeve televizive. Bazuar në nenin 40 paragrafi 1 pika C të Rregullores disiplinore; Dënohet me gjobë në shumë prej 300 euro. Afati i pagesës është 8 (tetë) ditë kur vendimi bëhet i plotfuqishëm. (Rregullorja disiplinore neni 11 paragrafi 1)”, ka njoftuar FFK.