Denoncimi i rrezikut: Nxënësit po qesin haraç

Jonuz Salihaj, njohës i arsimit, në emisionin “Kallxo Përnime” ka thënë se nxënësit u qesin haraç atyre që janë shembullorë.

Ai ka kritikuar Ministrinë e Arsimit për heqjen nga planprogrami të orës së kujdestarisë.

“Sipas hulumtimeve tona, shkollat te na ndikon për shëndetin e fëmijës 17-18%. Ambienti, familja kanë ndikim substancial. Ai fëmijë që është edukuar në suaza të dhunës, ai e shpërfaq dhunën te shokët e vet. Dukuria e haraçit është jashtëzakonisht e përhapur në shkolla. Fëmijët më të mirë, më të dëgjueshëm, shantazhohen duke u thënë: Ti çdo ditë ke me m’i sjell mua nga 5 euro, nëse nuk m’i sjell të pret thika”, ka thënë Salihaj.

Vehbi Mujku nga Qendra për Punë Sociale në Prishtinë ka thënë se pas dhunës në familje, dhuna në shkolla është sfida më e madhe për këtë Qendër.

Mujku ka shtuar se nuk e mban mend që ka pasur ndonjëherë kaq shumë raste të dhunës në shkolla.

“Jo vetëm dhuna fizike, psikologjike, por edhe ajo seksuale. Vetëm gjatë vitit 2022, ne si Qendër kemi pasur 450 raste të të miturve, ku 70% e këtyre rasteve të dhunës janë nëpër shkolla. Raste që i trajtojnë”, ka thënë Mujku.

Ai ka thënë gjithashtu se këto raste janë të rënda, pasi është dashur të intervenojë edhe Qendra për Punë Sociale.

“Pothuajse çdo ditë jemi nëpër shkolla duke i trajtuar këto raste, kryesisht kemi të bëjmë me rrahje mes nxënësve, përdorimi i substancave narkotike, përdorimi i thikave, përdorimi i armëve”, ka thënë me tej Mujku.

Ndryshe, vetëm 20 punëtorë socialë në kryeqytet merren me rastet e dhunës në shkolla.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika