Deputetët e Bundestagut gjerman që vijnë nga radhët e Partisë Socialdemokrate (SPD), Nils Schmid dhe Lars Kilngbei,l kanë falënderuar kryeministrin e Kosovës, Albin Kurti, “për angazhimin e tij të palodhshëm për një Kosovë të lirë dhe demokratike”.
Këtë e bëri të ditur vetë Schmid përmes një postimi në X, pas takimit me Kurtin.
Schmid ka thënë se Ballkani Perëndimor i përket BE-së.
“Ballkani Perëndimor i përket BE-së. Në bisedë me kryeministrin e Kosovës, Albin Kurti, Lars Klingbeil dhe unë e falënderuam për angazhimin e tij të palodhshëm për një Kosovë të lirë dhe demokratike dhe përkushtimin e tij ndaj Procesit të Berlinit”, ka shkruar ai.
Der westliche Balkan gehört in die EU. 🇪🇺 Im Gespräch mit dem Premierminister des Kosovo 🇽🇰 @albinkurti haben @larsklingbeil und ich ihm für seinen unermüdlichen Einsatz für einen freien und demokratischen Kosovo und das Engagement im Berliner Prozess gedankt. pic.twitter.com/tqaHDj9NQZ
— Nils Schmid (@NilsSchmid) December 11, 2023
Kurti është takuar edhe me kancelarin e Gjermanisë, Olaf Scholz, në margjinat e kongresit të Partisë Socialdemokrate. Ai njoftoi se takimi me Scholzin ishte i frytshëm, teksa shprehu kënaqësinë e tij që po merr pjesë në kongresin e SPD-së gjermane.
A pleasure to participate in this year’s SPD party congress, where I had a fruitful meeting with @Bundeskanzler, underscoring the strength of our bilateral relations and our shared vision as social democrats fostering justice, progress & prosperity for our citizens. pic.twitter.com/4ZGQnkYqXs
— Albin Kurti (@albinkurti) December 9, 2023