Deputetët e PD-së bllokojnë me karrige foltoren e Kuvendit

Opozita në Shqipëri vazhdon me të njëjtin skenar për bllokimin e Kuvendit tash e disa javë me radhë

Deputetët e Partisë Demokratike (PD) në Shqipëri kanë mbërritur në ambientet e Kuvendit përpara nisjes së seancës plenare të enjten, ku pritet të miratohet nen për nen buxheti për vitin 2024.

Deputetët janë përplasur me oficerët e gardës, të cilët kanë tentuar ta ndalojnë bllokimin e foltores së Kuvendit me grumbuj karrigesh, raporton Euronews.

Pas shtyrjes fizike, deputetët kanë mundur të vendosin karriget e tyre rreth foltores.

Opozita në Shqipëri vazhdon me të njëjtin skenar për bllokimin e Kuvendit tash e disa javë me radhë.

“O qelbësirë na thyhet duar”, dëgjohet të thotë deputetit i PD-së, Bledjon Nabllati, i cili ishte ndër më aktivët në bllokimin e foltores së Kuvendit.

Në këtë seancë mungon ish-kryeministri Sali Berisha, i cili u përjashtua me 10 ditë nga punimet e Kuvendit për shkak të bllokimit që i bëri Kuvendit në seancën e së hënës.

Krahas Berishës janë përjashtuar me 10 ditë edhe deputetët, Flamur Noka, Eldo Hoti, Gazmend Bardhi, Albana Vokshi dhe Edi Paloka.

Ndaj tyre masa e vendosur është maksimale, pasi bllokimi i Kuvendit është kryer në mënyrë të përsëritur prej tyre.

Flamur Nokës iu pezullua për ndezjen e flakadanëve në sallë, si dhe tentativën për t’i vënë flakën grumbullit të karrigeve.

Deputetet Elda Hoti dhe Albana Vokshi u përjashtuan për shkak se mbajtën në çantë dhe i dhanë flakadanët kolegut Noka.

Sakaq përjashtimi i Bardhit, i Berishës dhe i Palokës u bë nën argumentet se penguan zhvillimin e rregullt të seancës plenare duke shkaktuar kaos dhe duke fyer kolegët.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika