Deputetët e VV-së e bojkotojnë sërish seancën për mbështetjen urgjente financiare të policisë

Deputetët e mazhorancës sërish e kanë bojkotuar seancën e jashtëzakonshme në Kuvendin e Kosovës për mbështetjen urgjente financiare të Policisë së Kosovës

Kuvendi i Kosovës, Foto: Gazetarja Anduena Bajqinovci

Deputetët e mazhorancës sërish e kanë bojkotuar seancën e jashtëzakonshme në Kuvendin e Kosovës, ku pritet të diskutohet shqyrtimi i Propozim-Rezolutës për mbështetjen urgjente financiare të Policisë së Kosovës.

Grupi parlamentar i Lëvizjes Vetëvendosje, përmes një konference për media, kishte njoftuar se nuk do të merrte pjesë në seancë.

Kjo kërkesë për seancë të jashtëzakonshme është bërë nga Grupi Parlamentar i Partisë Demokratike të Kosovës.

Deputeti nga radhët e Partisë Demokratike të Kosovës, Rashit Qalaj, ka thënë se Policia e Kosovës është institucioni më i besuar në këtë vend.

“Formacioni paraushtarak kreu një sulm në Banjskë të Zvecanit. Ky formacion ushtarak i financuar nga shteti serb, ishte i sponsorizuar direkt nga Serbia. Terroristët u penguan, u luftuan, u zbuluan, dhe u mundën nga Policia e Kosovës, disa u arrestuan, disa u eliminuan e disa arritën të ikin nga Kosova”.

“Puna e policit në Kosovë është puna më e rrezikshme në këtë vend. Atyre u është ndaluar shtesa e rrezikshmërisë të cilën gjithmonë e kanë marrë në të kaluarën. Ky është një vendim i padrejtë dhe ndikon në mirëqenien e tyre, por edhe në vullnetin dhe motivin përballë punës së përditshme dhe sfiduese”, shtoi ai.

Ai ka theksuar se numri i përgjithshëm i pjesëtarëve të Policisë së Kosovës është 8880 në total.

Sipas ish-drejtorit të përgjithshëm të Policisë së Kosovës, Qalajt, 280 prej tyre kanë sëmundje të rënda dhe 467 me sëmundje kronike.

“Opozita të vetmin qëllim e kanë që me këtë rezolutë ta mbështesin Policinë e Kosovës. Jemi të gatshëm që të ulemi me të gjitha partitë politike, duke e përfshirë edhe atë në pushtet që ta harmonizojmë një rezolutë të përbashkët e pastaj ta miratojmë këtu e t’i mbështesim policët tanë”.

Qalaj foli në emër të 40 deputetëve nënshkrues.

Shija e redaktorit

Realizohet fotografia familjare e samitit në Tiranë

Siç e do zakoni, pjesëmarrësit në samitin “Ukrainë-Europa Juglindore”, që po mbahet në kryeqytetin e Shqipërisë, Tiranë, kanë realizuar “fotografinë familjare” Presidenti i Ukrainës,  Vlodymyr...

Osmani: Momenti i njohjes së Kosovës do të vijë bashkë...

Në Tiranë ka nisur mbërritja e liderëve nga Evropa juglindore në samitin për Ukrainën, që po organizohet me ftesë të kryeministrit të Shqipërisë, Edi...

Cristiano Cardoso, braziliani i Drenicës

Po stërvit shumë larg nga shtëpia, por në Skenderaj ndihet sikur në shtëpi. Cristiano Cardozo është portieri brazilian i Drenica Futsal, të cilin krahas punës...

Të fundit nga rubrika