Deputetja e PDK-së e akuzon Qeverinë për  “hajni” dhe abuzim me çmimet e barnave

Deputetja e PDK-së, Floretë Zenjullahu, e ka akuzuar Qeverinë e Kosovës duke thënë se është pjesë e abuzimeve me çmime të barnave, sidomos atyre esenciale

Floretë Zenjullahu, deputete e PDK-së

Deputetja e Partisë Demokratike të Kosovës (PDK), Floretë Zenjullahu, e ka akuzuar Qeverinë e Kosovës për keqpërdorime dhe për “hajni”, që sipas saj, Qeveria është duke e kryer në raport me çmimet e barnave.

Duke iu referuar raportit të KDI-së, ajo ka thënë se Ministria e Shëndetësisë ka blerë barna me çmim më të shtrenjtë sesa çmimi i tregut.

“Vërtetohen keqpërdorime dhe hajni me barna që kjo qeveri është duke u kryer. Për blerje të oksigjenit nga hulumtimi i KDI-së, rezulton se janë keqpërdorur më shumë se 57 mijë euro. Rasti tjetër për paracetamol që kushton një euro, msh e ka ble mbi 3 euro”, ka deklaruar Zenjullahu.

Në emër të PDK-së, Zenjullahu ka propozuar që të caktohet një çmim fiks apo maksimal për rregullimin e çmimit të barnave. Sipas saj, qytetarët janë dëmtuar vazhdimisht si pasojë e çmimeve të larta të barnave, sidomos atyre esenciale.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika