Deputetja e PDK-së, Ariana Musliu-Shoshi, ka thënë se Martin Berishaj është dashur të shkarkohet, që të ruhet imazhi i shtetit tonë.
Musliu-Shoshi ka reaguar pasi sot në Prokurorinë e Kosovës është intervistuar ambasadori i Kosovës në Kroaci, Martin Berishaj.
“Imazhi i tillë i ambasadorëve duke u intervistuar nga prokuroria speciale e duke qenë në detyrë, flet për diplomaci jo kredibile dhe të korruptuar. Kjo nuk i duhet Kosovës”, ka shkruar në Facebook Musliu-Shoshi.
Tutje Musliu-Shoshi është shprehur se “Martini s’e ka vendin në diplomaci, por në institucionet ku jepet përgjegjësi për drejtësi”.