Deputetja gjermane: Mosmarrëveshjet në mes Kosovës dhe Serbisë të zgjidhen në pajtim mes dy palëve

Kryetarja e komisionit të mbrojtjes në Bundestagun Gjerman është shprehur që mosmarrëveshjet për targat në mes Kosovës dhe Serbisë të zgjidhen me dakordimin e dy palëve

Kryetarja e Komisionit të Mbrojtjes në Bundestag, Marie-Agnes Strack-Zimmermann

Kryetarja e Komisionit të Mbrojtjes në Bundestag, Marie-Agnes Strack-Zimmermann, ka thënë se grindja aktuale mes Kosovës dhe Serbisë për çështjen e targave dhe dokumenteve të udhëtimit duhet të zgjidhet në pajtim mes dy palëve.

“Ne kemi diplomatët e duhur atje, kemi BE-në atje dhe do të jetë detyra jonë që t’i ulim në një tryezë të përbashkët të dy palët në konflikt”, ka deklaruar ajo.

Po ashtu, Strack-Zimmermann ka thënë se Lufta në Ukrainë vetëm se ka arritur ndjeshmërinë e tyre për konfliktet tjera që mund të ndodhin në botë, dhe sipas saj detyra e tyre është që në Ballkanin Perëndimor me diplomaci të arrihet qetësia.

“Lufta e Ukrainës e ka rritur ndjeshmërinë tonë për konfliktet e tjera në botë. Prandaj edhe detyra jonë në Ballkanin Perëndimor është që të kujdesemi me mjete diplomatike që të arrihet qetësia”, ka thënë më tej Strack Zimmermann.

Christine Lambrecht, ministrja gjermane e Mbrojtjes

Qeveria gjermane ishte shprehur e shqetësuar për situatën në Kosovë qysh në fillim të javës, raporton DW. Ministrja gjermane e Mbrojtjes, Christine Lambrecht, ka thënë se në rast nevoje KFOR-i do të ndërhyjë për të vendosur paqen.

Në qershor parlamenti gjerman e zgjati edhe me një vit mandatin e pjesëmarrjes gjermane në kuadër të forcave të KFOR-it.

Aktualisht në Kosovë janë të stacionuar vetëm 65 ushtarë gjermanë, por në rast nevoje kontingjenti mund të shkojë deri në 400.

Tensionet e fundjavës në kufirin mes Kosovës dhe Serbisë ishin të mërkurën pasdite në rend të ditës së seancës së jashtëzakonshme të Komisionit të Mbrojtjes në Parlamentin Federal të Gjermanisë.

Mbledhja e jashtëzakonshme e Komisionit, megjithëse Bundestagu ndodhet zyrtarisht në periudhën e pushimit parlamentar, ishte paralajmëruar prej kohësh, për shkak të situatës në Ukrainë.

Strack-Zimmermann u shpreh në një intervistë me DW News, për një angazhim më largpamës të Gjermanisë ndaj Ukrainës.

“Gjermania tani duhet të pyesë se çfarë do t’i duhet Kievit pas disa muajsh. A është ajo që po bëjmë sot e mjaftueshme për atë që do të vijë në të ardhmen? Dhe kjo është arsyeja pse ne kemi thirrur për një konferencë donatorësh”, ka deklaruar ajo.

Ndëekaq, Strack-Zimmermann ka kërkuar caktimin e një koordinatori për Ukrainën në Kancelarinë Federale për të gjetur se çfarë mund të bëhet në planin afatgjatë.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika