Deputetja britanike, Alicia Kearns, e ka rikujtuar edhe njëherë sulmin terrorist në Banjskë të Zveçanit. Në rrjetin social “X”, Kearns u shpreh se kanë kaluar një muaj që kur Millan Radojçiq e ka pranuar fajësinë për sulmin në Banjskë, dhe ende mbetet i lirë në Serbi.

“Tashmë ka një muaj që Radoiçiq ka pranuar fajësinë për sulmin paraushtarak në Kosovë me armë të ofruara nga Beogradi.Megjithatë ai mbetet i lirë në Serbi.Pa asnjë përgjegjësi për rolin e Beogradit”, ka thënë ajo.

Kearns tha se vetë i ka parë armët e konfiskuara që janë përdorur në sulmin terrorist. Në fund ajo u shpreh se familja e Afrim Bunjakut, policit që u vra nga ky sulm e meriton drejtësinë.

Unë i kam parë armët dhe kam takuar familjen e Afrim Bunjakut – ata e meritojnë drejtësinë.