Dërgon veturën për riparim të ulëses zbulohet marihuanë e fshehur, Policia jep detaje
Në Kamenicë, gjatë riparimit të një veture, një qytetar zbuloi rreth 3.6 kg marihuanë të fshehur. Policia sekuestroi substancën dhe po vazhdon hetimet për identifikimin e të përfshirëve. “Më datë 10.05.2025, rreth orës 21:00, Policia e Kosovës, konkretisht hetuesit e antidrogës në Gjilan kanë pranuar informatë nga një qytetar i cili, gjatë riparimit të ulëses […]
Në Kamenicë, gjatë riparimit të një veture, një qytetar zbuloi rreth 3.6 kg marihuanë të fshehur. Policia sekuestroi substancën dhe po vazhdon hetimet për identifikimin e të përfshirëve.
“Më datë 10.05.2025, rreth orës 21:00, Policia e Kosovës, konkretisht hetuesit e antidrogës në Gjilan kanë pranuar informatë nga një qytetar i cili, gjatë riparimit të ulëses së veturës së tij në Kamenicë, ka gjetur dy paketime të dyshuara me substancë narkotike.
Në vendin e ngjarjes janë gjetur rreth 1.8 kg marihuanë dhe vetura është sekuestruar për kontroll të mëtejshëm.
Më datë 11.05.2025, pas kontrollit të detajuar në stacionin policor në Gjilan, në ulësen e përparme të pasagjerit janë zbuluar edhe 1.873 kg shtesë të të njëjtës substancë.
Sasia totale e sekuestruar është rreth 3.6 kg marihuanë.
Lidhur me rastin është njoftuar Prokurori i Shtetit dhe hetimet janë duke vazhduar për identifikimin e personave të përfshirë”, thuhet në njoftimin e Policisë së Kosovës.















