Procesi gjyqësor ndaj ish-krerëve të Ushtrisë Çlirimtare të Kosovës në Dhomat e Specializuara në Hagë ka përfunduar prej më shumë se dy muajsh, megjithatë aktgjykimi përfundimtar ende nuk është shpallur.
Zëdhënësja e Dhomave të Specializuara, Angela Griep, ka thënë se trupi gjykues ka marrë vendim për zgjatjen e afatit për shpalljen e aktgjykimit edhe për 60 ditë të tjera.
Sipas saj, afati i ri i përcaktuar është deri të hënën e 20 korrikut, por kjo nuk nënkupton domosdoshmërisht datën e shpalljes së aktgjykimit.
Po, Trupi Gjykues lëshoi një vendim duke e zgjatur afatin për shpalljen e vendimit të Gjykatës me 60 ditë të tjera, deri të hënën, më 20 korrik. Kjo nuk është data e shpalljes së vendimit, por vetëm data e afatit të zgjatur. Trupi Gjykues shtoi se nëse një zgjatje e mëtejshme është absolutisht e nevojshme, do të lëshojë një urdhër për këtë qëllim në kohën e duhur”, ka thënë Griep për Dukagjinin.