Deri në tri orë po presin qytetarët për të dalë nga Kosova në pikën kufitare në Merdarë.
Sipas të dhënave të Qendrës Kombëtare për Menaxhim Kufitar, të përditësuara në orën 08:00, pritjet në këtë pikë po zgjasin nga 150-180 minuta dhe kolona është e gjatë 800 metra.
Pritje për të dalë nga Kosova ka edhe në pikën kufitare Dheu i Bardhë, dhe sipas këtyre të dhënave, ato po zgjasin deri në një orë e gjysmë dhe kolona është e gjatë 500 metra.
Në këto dy pika nuk ka pritje për të hyrë në Kosovë.
Ndërkohë, edhe në pikat e tjera, si për të hyrë, ashtu edhe për të dalë nga Kosova, nuk ka pritje.
