Deri në gjysmë ore janë pritjet në dalje të pikës kufitare në Merdare.
Kështu bëhet e ditur në të dhënat e publikuara nga Qendra Kombëtare për Menaxhim Kufitar.
Në pikën kufitare Dheu i Bardhë, bashkatdhetarët po presin deri në 30 minuta për të dalë nga Kosova, ndërsa në Muçibabë pritja tani është 10-15 minuta.
Ndërsa, kolona ka deri në 100 metra te Dheu i Bardhë dhe Merdarë.
Ndërsa, në vendkalimet e tjera kufitare nuk ka probleme të pritjeve të gjata, bashkatdhetarët dalin nga Kosova me pritje të shkurtër prej 3 deri në 5 minuta.
Përndryshe, gjatë javëve të kaluara pritjet për të hyrë në Kosovë në pikën kufitare në Merdarë kanë zgjatur deri në shtatë orë.
Ndërsa, pritje për të dalë nga Kosova ka pasur edhe në pikën kufitare te Dheu i Bardhë, ku pritjet kanë qenë rreth 4 orë, ndërsa në Jarinje rreth 2 orë. Ndërkaq, kolonat në këto dy pika kufitare janë rreth një kilometër.