Dëshmitari i dytë flet për daljen publike të UÇK-së në varrimin e mësuesit, Halit Geci

Dëshmitari i dytë i ZPS-së, në dëshminë e tij ka folur për daljen për herë të parë në publik të UÇK-së, në varrimin e mësuesit, Halit Geci

Dëshmitari, identiteti i të cilit është ruajtur nga Gjykata Speciale

Gjatë dhënies së dëshmisë së tij, dëshmitari i dytë i ZPS-së ka folur për daljen e parë publike të Ushtrisë Çlirimtare të Kosovës (UÇK) në varrimin e mësuesit Halit Geci, në të cilin varrim, tha se kishte marrë pjesë edhe vetë.

Paraprakisht, i njëjti tregoi se ai ka qenë pjesëtar i UÇK-së, raporton ‘‘Betimi për Drejtësi’’.

“Pas vrasjes së familjes Jashari, atëherë i madh e i vogël u kyçën në Ushtrinë Çlirimtare të Kosovës”, tha dëshmitari.

Ai tha se kishte mësuar më pastaj kush kishte qenë nga përfaqësuesit e UÇK-së në atë ceremoni, duke përmendur emrat e Mujë Krasniqit, Rexhep Selimit dhe Daut Haradinaj.

‘‘Pastaj unë kam mësuar se ishte Mujë Krasniqi, Rexhep Selimi edhe Daut Haradinaj, me sa e kujtoj, Muja ka qenë pa maskë, e tjerët kanë qenë me maska’’, tha dëshmitari.

Lidhur me Mujë Krasniqin, ai tha se atë e kishte njohur edhe më herët, ndërsa në varrim nuk kishte qenë afër tij, por gjatë asaj dite e kishte kuptuar se kishte qenë ai.

Sipas tij, është bërë thirrje që sa më shumë njerëz t’i bashkëngjiten UÇK-së.

Kurse tha se njëri nga personat me maskë kishte pasur fjalim më të rreptë, duke përmendur më pastaj se ky person kishte qenë Rexhep Selimi.

Ai tha se kishte pasur mesazhe se për pavarësi duhet të fillohej lufta dhe se kjo nuk mund të arrihej me njerëz pacifistë, që sipas tij, ky mesazh ishte kuptuar se kishte qenë për LDK-në, ndonëse nuk ishte përmendur ky emër konkretisht.

Po ashtu, i pyetur nga prokurori James Pace, ai tha se UÇK-ja kishte pasur shtrirje në fshatrat e Malishevës si në qershor, ashtu edhe në korrik të vitit 1998.

Ndërkaq, fillimisht ka folur për komunikatat e lëshuara nga UÇK-ja, për të cilat, tha se i ka pasur të njohura përmes gazetave si “Koha Ditore”, “Bujku” dhe televizioni shqiptar.

Seanca është duke vazhduar në seancë private./Betimipërdrejtësi

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika