Dëshmitari i gjashtë nis dëshminë në gjykimin ndaj Thaçit dhe të tjerëve, thotë se një person ishte ndaluar me pretendimin se është spiun

Foto nga arkivi

Dëshmitari i gjashtë me kodin 4355 ka filluar dëshminë e tij në gjykimin ndaj Hashim Thaçit, Kadri Veselit, Rexhep Selimit dhe Jakup Krasniqit.

Ndërsa, tha se një person i kishte thënë se ishte ndaluar nga UÇK-ja me pretendimin se është bashkëpunëtor i Serbisë (spiun).

I njëjti, ka filluar të përgjigjet në pyetjet e Zyrës së Prokurorit të Specializuar (ZPS), konkretisht prokurorit Matt Halling, raporton “Betimi për Drejtësi”.

Dëshmitari është përgjigjur me ‘‘Po’’ kur është pyetur se a është intervistuar më herët nga ZPS-ja dhe se në seancën përgatitore kishte kërkuar disa ndryshme të disa pjesëve të deklaratës së tij, se ato ndryshime ishin pasqyruar në shënime që iu ishin lexuar me zë dhe se të njëjtat kishin qenë ndryshimet që kishte kërkuar ai.

Të njëjtat dokumente, iu shfaqën dëshmitarit në ekran, si dhe u pranuan nga trupi gjykues si prova materiale pas propozimit të prokurorit Halling.

Tutje, dëshmitari në dëshminë e tij tha se personi 2, e kishte parë personin 1 dhe se për të kishte thënë se kishte qenë jo në gjendje të mirë, pra i rrahur.

Ai tha se personi 2 i kishte treguar se pse UÇK-ja e kishte ndaluar atë, duke thënë se “I kanë thënë se është bashkëpunëtor i Serbisë, spiun”.

Po ashtu, dëshmitari tha se personi 2 pasi që kishte ardhur në shtëpi, kishte qenë shumë i rrahur.

“Masi ka ardhë në shtëpi, ka hy mrena dhe kryt e ka pas të qame, fytyrën e ka pas ngjyrë të zezë dhe trupin e ka pasur mavi, të rrem”, tha ai.

Ai tha se personi 2 kishte treguar se ka pasur të burgosur të tjerë, por se nuk e kishte ditur si quheshin.

Për disa pyetje, seanca ka kaluar në seancë private dhe më pas është ndërprerë për të vazhduar ditën e nesërme.

Paraprakisht, dëshmitari i pestë me kodin 3165 ka përfunduar dëshminë e tij, kur është përgjigjur pyetjeve të trupit gjykues në sesion privat.

Ndryshe, në seancën e sotme të pranishëm në sallë të gjykimit kanë qenë Thaçi, Veseli dhe Selimi, kurse Krasniqi e ka përcjellë përmes video-lidhjes.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika