Për të 53-tën herë me radhë, deputetët e Kuvendit të Kosovës kanë dështuar ta konstituojnë legjislaturën e re.

Seanca e radhës, e mbajtur vetëm disa orë para hyrjes në fuqi të vendimit të Gjykatës Kushtetuese që ndalon çdo veprim për konstituim nga 27 korriku deri më 8 gusht, përfundoi pa rezultat.

Kjo tentativë u konsiderua si mundësia e fundit për t’u shmangur bllokimi institucional që pason me fillimin e afatit të përcaktuar nga Kushtetuesja.

Por, kryesuesi i seancës Avni Dehari, ka dështimit të 53-të ka thirr deputetët edhe për një mundësi në ora 22:00.

Me gjithë pritjet dhe presionin publik për një epilog, mungesa e marrëveshjes politike dhe ndarjet brenda spektrit parlamentar nuk sollën zgjidhje.

Kuvendi i Kosovës mbetet ende i pakonstituuar, më shumë se një muaj pas mbajtjes së zgjedhjeve të parakohshme, ndërsa vendi po përballet me një krizë të thellë institucionale dhe politike.