Detaje të reja lidhur me aksionin “Gropa” në Ferizaj ku u konfiskuan 70 kg drogë, arrestohen 15 persona

Policia e Kosovës ka njoftuar se numri i të arrestuarve ka shkuar në 15, ku 6 prej tyre janë shtetas të Turqisë

Ilustrim

Prokuroria Themelore në Ferizaj, të hënën e 23 majit, kanë realizuar aksionin “Gropa”, me ç’rast janë bastisur dhe kontrolluar disa lokacione të ndryshme në Ferizaj.

Gjatë këtij aksioni, janë sekuestruar rreth 70 kg substancë e dyshuar narkotike e llojit heroinë dhe disa pajisje për përpunimin e saj.

Lidhur me rastin, numri i të arrestuarve ka shkuar në 15, ku nëntë prej tyre janë shtetas të Kosovës, ndërsa gjashtë të tjerë shtetas të Turqisë.

Kështu ka bërë të ditur Policia e Kosovës, përmes raportit 24 orësh.

“Më 23 maj, gjatë një plani operativ në tri lokacione të ndara në regjionin e Ferizajt, janë gjetur dhe konfiskuar 73 kg substancë e dyshuar narkotike e llojit Heroinë, para, telefona dhe vetura. Në lidhje me rastin janë arrestuar dhe dërguar në mbajtje 15 të dyshuar meshkuj, nëntë kosovarë dhe gjashtë shtetas të Turqisë”, thuhet në raport.

Ndryshe, në afërsi të kufirit me Serbinë në veri të Kosovës, përkatësisht në Izvor, Policia e Kosovës në bashkëpunim me Doganën, të hënën e 23 majit ka zhvilluar edhe një aksion tjetër.

Gjatë këtij aksioni, është zbuluar laboratori i kultivimit të drogës me mbi 10 mijë fije bimë të gatshme për t’u shitur ilegalisht në treg.

Po ashtu, është raportuar se ka pasur të shtëna armësh në drejtim të policisë.

Nga të shtënat, gjatë aksionit policor kundër krimit të organizuar, nuk ka pasur të lënduar.

Aksioni i doganës dhe policisë së Kosovës është cilësuar si i suksesshëm edhe nga ana e ministrit të Punëve të Brendshme, Xhelal Sveçla.

“Ky është rezultat i vendosmërisë së madhe, duke bërë kështu që çdo ditë e më shumë vendi ynë të çlirohet nga krimi. Ju lumtë Policia dhe Dogana e Kosovës!”, ka deklaruar Sveçla.

Ministri i Punëve të Brendshme, Xhelal Sveçla

Gjatë aksionit në veri, Policia e Kosovës ka hasur edhe në një laborator për përpunim dhe prodhim të substancave narkotike.

Vlera e drogës së konfiskuar nga zbulimi i laboratorit kultivues të drogës në Izvor afër kufirit me Serbinë, ka rezultuar të jetë gjashtë milionë euro, ndërsa vlera e pajisjeve 1.5 milionë euro.

Si u zbulua laboratori i drogës, gjithçka nga aksioni në Veri

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika