Të dielën e 25 dhjetorit, një tren mallrash që transportonte amoniak doli nga shinat në Serbinë lindore.
Si pasojë e kësaj, dhjetëra njerëz kanë mbetur të helmuar, ndërsa një autostradë kryesore ndërkombëtare është mbyllur.
Kështu ka njoftuar agjencia e lajmeve “Associated Press”, ku theksohet se në qytetin e Piroti-it, është shpallur gjendje e jashtëzakonshme.
Autoritetet serbe u kanë bërë thirrje qytetarëve që të mos largohen nga shtëpitë e tyre.
Mediat serbe kanë raportuar se dhjetëra njerëz janë shtruar në spital.
Për shkak të dukshmërisë së kufizuar që thuhet se është shkaktuar nga rrjedhja, disa makina u përplasën në autostradën kryesore, e cila të çon në Bullgari në një kohë trafiku të ngjeshur, për shkak të festave të Krishtlindjeve.
Policia mbylli autostradën dhe ridrejtoi trafikun në rrugët lokale. Nuk ishte menjëherë e qartë se çfarë e shkaktoi daljen e trenit nga shinat.
Rrjedhjet e gazit të amoniakut mund të jenë të ndezshme dhe mund të shkaktojnë lëndime serioze apo edhe vdekje.