Di Caprio reagon pas shpalljes së Lumit Vjosa si Park Kombëtar

Aktori holliwudian, Leonardo Di Caprio, ka reaguar në lidhje me shpalljen e Lumit Vjosa si Park Kombëtar. Ai ka thënë se "lumi Vjosa do të ecë i lirë përgjithmonë, nga burimi në det, për ta shijuar brezat e ardhshëm"

Aktori i famshëm, Leonardo Di Caprio, që njihet edhe si aktivist, ka reaguar ndaj shpalljes së Lumit Vjosa si Park Kombëtar.

Ai ka thënë se “lumi Vjosa do të ecë i lirë përgjithmonë, nga burimi në det, për ta shijuar brezat e ardhshëm”.

“Sot historia është bërë. Bashkëpunimi mes qeverisë shqiptare, shoqërisë civile dhe bizneseve ka krijuar Parkun e parë Kombëtar të Lumit të Egër në Evropë. Lumi Vjosa do të ecë i lirë përgjithmonë, nga burimi në det, për ta shijuar brezat e ardhshëm. Një vizion i ri për bisedën globale të ujit është këtu. Urime për të gjithë ata që e bënë realitet këtë përpjekje të mahnitshme!”, ka shkruar Di Caprio.

Vjosa, lumi i fundit i egër në Evropë, është shpallur Park Kombëtar nga Qeveria e Shqipërisë më 14 Mars 2023.

Të fundit nga rubrika