Kryeministri i Kosovës, Albin Kurti, është takuar me ministrin e Jashtëm grek, Nikos Dendias, të dielën e 12 marsit.

Dendias nëpërmjet një postimi në Twitter bëri të ditur se me Kurtin kanë biseduar rreth zhvillimeve në dialogun Kosovë-Serbi.

“Sot u prita për një drekë nga kryeministri i Kosovës, A.Kurti në Prishtinë. Shkëmbim mendimesh mbi zhvillimet në Dialogun Beograd-Prishtinë dhe rrugën #Ballkani Perëndimor”, ka shkruar Dendias.

Gjithashtu edhe nga zyra e Kryeministrat u bë e ditur se ç u dikutua mes Kurtit dhe Dendias.

Ata diskutuan për marrëdhëniet ndërmjet dy vendeve dhe perspektivat për avancimin, themelimin dhe fuqizimin e tyre.

“Kurti i shprehu edhe një herë ngushëllime ministrit Dendias dhe popullit grek për jetët e humbura në aksidentit tragjik që ndodhi në Greqi në javën e parë të marsit. Ata folën për zhvillimet e fundit në vend dhe rajon, për procesin e normalizimit të marrëdhënieve me Serbinë dhe për propozimin evropian për Marrëveshje Bazë”.

Me këtë rast Kurti e njoftoi ministrin Dendias për takimin e 27 shkurtit në Bruksel dhe pritjet e Kosovës nga takimi i 18 marsit në Ohër të Maqedonisë së Veriut.

I was hosted today for a lunch by Kosovar PM, A.Kurti in #Pristina. Exchange of views on developments in the Belgrade-Pristina Dialogue and #WesternBalkans 🇪🇺 path. pic.twitter.com/Zz3pHatyBh

— Nikos Dendias (@NikosDendias) March 12, 2023

Gjithashtu, Dendias, është takuar dhe me presidenten e vendit, Vjosa Osmani.