Takim i gjatë u zhvillua gjatë së mërkurës në Bruksel.
Mirëpo duket se ishte i pasuksesshëm edhe për faktin që ndërmjetësi i procesit të dialogut, Miroslac Lajcak, nuk arriti që t’i ulë kryenegociatorët në një tavolinë të vetme.
Zëvnëskryeministri Besnik Bislmi dhe drejtori i të ashtuquajturës zyrë për Kosovën në Qeverinë e Serbisë, Petar Petkoviq, nuk pranuan të takoheshin me njëri tjetrin.
E kjo sipas deputetëve të pushtetit ka ndodhur shkaku i dekonstruktivitetit të palës serbe.
“Për t’i dhënë një epilog procesit nuk po ka vullnet Serbia, u pa kjo edhe dje që ata janë të gatshëm të vazhdojnë më këtë dekonstriuvitetin e tyre në mënyrë që ky proces t’i mbaj shtetet peng”, ka thënë Arbëreshë Kryeziu Hyseni nga Lëvizja Vetëvendojse (LVV).
Qëndrime jo të përafërta me deputeten Kryeziu ka deputeti Hisen Berisha, i cili thotë se politika evropiane ka dështuar në raport me Kosovën.
“E ka marrë Kosovën në all in one dhe njohje të ndërsjell dhe e ka kthyer në një situatë ku sflitet fare për njohje dhe nuk përkon me marrëveshjet e Brukselit e Ohrit por flitet tash për një republikë autonome serbe”, ka thënë Hisen Berisha nga radhët e Partisë Demokratike të Kosovës (PDK).
Pavarësisht kësaj, njohësit e procesit të dialogut po thonë se Qeveria e Kosovës patjetër duhet të gjej një zgjidhje për të rikthyer situatën në normalitet në veri.
“Përveç zbatinit të plotë të Marrëveshjes Bazike, qeveria kosovare është duke insistuar edhe në të ashtuquajturin plan i sekuencimit, që sipas tyre duhet të jetë i paanshëm dhe të garantojë në zbatimin e plotë të saj”, është shprehur analisti Visar Xani.