Digjen 3 vetura në Leposaviq, pronari deklaron se kjo ka të bëjë me punën e tij në institucionet e Kosovës
Policia e Kosovës ka njoftuar se tri vetura të një shtetasi kosovar janë djegur nga zjarri në Leshak të Leposaviq, e që pronari i tyre dyshon se djegia veturave të tij është për shkak se ky i fundit punon në institucionet e Republikës së Kosovës. Policia e Kosovës ka dalë në vendin e ngjarjes dhe […]
Policia e Kosovës ka njoftuar se tri vetura të një shtetasi kosovar janë djegur nga zjarri në Leshak të Leposaviq, e që pronari i tyre dyshon se djegia veturave të tij është për shkak se ky i fundit punon në institucionet e Republikës së Kosovës.
Policia e Kosovës ka dalë në vendin e ngjarjes dhe është duke e trajtuar këtë rast.
“I dëmtuari ka deklaruar se punon në një institucion në Republikën e Kosovës dhe dyshon se vënia e zjarrit ka të bëjë me punën e tij”, thuhet në njoftimin e Policisë së Kosovës.
Më poshtë mund ta lexonin njoftimin e plotë të Policisë së Kosovës.
Fsh. Leshak, Leposaviq 15.04.2023 – 01:40. Policia është njoftuar nga një qytetar mashkull kosovar, se në Leshak të Leposaviqit, tri vetura të tij janë përfshirë nga zjarri. Policia ka dalë në vendin e ngjarjes dhe ka iniciuar rastin, të cilin është duke e trajtuar.
Tvrdane, Leposaviq 15.04.2023 – NN. Ankuesi mashkull kosovar ka raportuar se persona të panjohur ia kishin vënë flakën dy karrigeve në ballkonin e shtëpisë së tij. I dëmtuari ka deklaruar se punon në një institucion në Republikën e Kosovës dhe dyshon se vënia e zjarrit ka të bëjë me punën e tij.















