Zëdhënësja e Policisë së Kosovës për rajonin e Prishtinës, Flora Ahmeti, për RTV Dukagjini ka thënë se sot, rreth orës 16:30, në rrugën Prishtinë –Podujevë është djegur një autobus.

“Sot rreth orës 16:30, është raportuar se në rrugën Prishtinë -Podujevë, një autobus është përfshirë nga zjarri, i cili është dëmtuar tërësisht”, ka thënë ajo për RTV Dukagjini.

Sipas saj, në këtë incident nuk ka pasur të lënduar dhe policia është duke i hetuar rrethanat që kanë dërguar në këtë incident.

“Policia menjëherë ka dalë në vendin e ngjarjes, po ashtu edhe zjarrfikësit të cilët kanë lokalizuar zjarrin. Nuk raportohet për persona të lënduar”, ka shtuar ajo.

“Aktualisht policia ka nisur ndërmarrjen e veprimeve hetimore për sqarimin e plotë të rrethanave që karakterizojnë ngjarjen”, ka përfunduar zëdhënësja e Policisë së Kosovës për rajonin e Prishtinës.