Diplomatja amerikane viziton Shqipërinë

Diplomatja amerikane, Karen Donfried, të enjten e 28 prillit do ta vizitojë Shqipërinë

Ndihmëssekretarja amerikane për Byronë e Çështjeve Evropiane dhe Euroaziatike, Karen Donfried

Ndihmëssekretarja amerikane për Byronë e Çështjeve Evropiane dhe Euroaziatike, Karen Donfried, të enjten e 28 prillit do ta vizitojë Shqipërinë.

Sipas agjendës së publikuar nga Departamenti Amerikan i Shtetit (DASH), Donfreid do të përkujtojë 100-vjetorin e marrëdhënieve diplomatike midis Shteteve të Bashkuara të Amerikës dhe Shqipërisë.

Në fokus do të jetë angazhimi i Shqipërisë ndaj sovranitetit dhe integritetit territorial të Ukrainës, përballë agresionit rus.

Po ashtu, në agjendë theksohet mesazhi që do të japë Zyrtarja e Lartë e DASH-it, zbatimi plotësisht i reformës në drejtësi dhe lufta kundër korrupsionit.

Ndihmëssekretarja amerikane për Byronë e Çështjeve Evropiane dhe Euroaziatike, Karen Donfried

Vizita e saj vjen pas asaj në Kosovë, Serbi, Bosnje e Hercegovinë, dhe Maqedoni të Veriut.

Të hënën e 25 prillit, Donfried në një konferencë për media, kishte thënë se Kosova dhe Serbia duhet të riangazhohen në mënyrë urgjente në dialogun e lehtësuar nga Bashkimi Evropian.

Ajo kishte thënë se SHBA-ja i jep prioritet dhe e mbështet dialogun e ndihmuar nga BE-ja, që duhet të jetë i përqendruar në arritjen e një marrëveshjeje normalizimi të përqendruar në njohje të ndërsjellë.

“Kosova e Serbia duhet të bëhen bashkë e në mënyrë urgjente të riangazhohen në dialogun e lehtësuar nga BE-ja, që ka një mbështetje të fuqishme nga SHBA-ja”, është shprehur Donfried në prononcim për media pas takimit me kryeministrin e Kosovës, Albin Kurti.

Ndërsa takimi i saj do të përmbyllet më 29 prill, me Malin e Zi.

Stabiliteti, siguria dhe zbatimi i reformave ishin një ndër mesazhet që dha Zyrtarja e Lartë për vendet e Ballkanit Perëndimor.

Ndërkaq, këtyre dy vizitave u kishte paraprirë vizita e tre senatorëve Chris Murphy, Thom Tillis dhe Jeanne Shaheen. Këta të fundit janë takuar me Presidenten e Kosovës, Vjosa Osmani Sadriu.

“Informova mysafirët tanë për rolin destruktiv që Serbia vazhdon ta luajë në rajonin tonë si aleat i Rusisë në një përpjekje për të tërhequr rajonin tonë drejt së kaluarës, por kam besimin e plotë se bashkarisht do të jemi në gjendje t’i ndalojmë këto ndikime malinje.”, ishte shprehur Osmani në një konferencë për media, bën të ditur RTV Dukagjini.

Janarin e këtij viti, Shefi i diplomacisë së Bashkimit Evropian, Josep Borrell, kishte konfirmuar se në Kosovë dhe Serbi do të qëndronin i dërguari i posaçëm për dialogun, Mirosllav Lajçak dhe i dërguari i Shteteve të Bashkuara për Ballkanin Perëndimor, Gabriel Escobar.

 Karen Donfried: Kosova dhe Serbia të riangazhohen në dialog

 

 

 

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika