“Distancim nga Maliq e Fatmir Sheholli”- Në “Debat Plus” publikohet teksti ku mbi 40 familje distancoheshin nga Maliq e Fatmir Sheholli
Në “Debat Plus” është shfaqur një tekst i gazetës nga arkivi, ku shkruan se në kohën e luftës 37 familje ishin distancuar nga familja e Maliq Shehollit. Aty po ashtu thuhet se 44 familjarë “në pajtim me anëtarët e familjeve, përgjithmonë distancohen nga veprimet e Maliq e Fatmir Sheholli”. Ky distancim ishte bërë për shkak […]
Në “Debat Plus” është shfaqur një tekst i gazetës nga arkivi, ku shkruan se në kohën e luftës 37 familje ishin distancuar nga familja e Maliq Shehollit.
Aty po ashtu thuhet se 44 familjarë “në pajtim me anëtarët e familjeve, përgjithmonë distancohen nga veprimet e Maliq e Fatmir Sheholli”.
Ky distancim ishte bërë për shkak të dyshimeve se të dy kanë qenë në shërbim të pushtuesit serb në kohën e luftës me Kosovën.
Për ta mbrojtur shefin e tij, reagoi Milazim Gashi, i cili tha se punon në organizatën Instituti për afirmimin e mardhënjeve ndëretnike (IAMN), ku si drejtor shërben Fatmir Sheholli.
Kryetari i bordit të kësaj organizate, Milazim Gashi, tha se Fatmir Sheholli punon edhe për instanca shtetërore.
“Fatmir Sheholli është strukturë e shtetit të Kosovës, ai është bartës i informatave të caktuara, klasifikuara, e shfrytëzojmë atë në instancën e dijes së tij cka ka punu”, tha ai.
Moderatori Panduri pastaj ia bëri me dije se ka informata që Sheholli nuk punon për AKI-në ashtu si pretendoi Gashi.





