Xhudistja Distria Krasniqi është kualifikuar në gjysëmfinale të Grand Slamit në Paris.
Në kategorinë deri 52 kilogramë, ajo fillimisht arriti ta mposhtë spanjollen Marina Castello Diez, ndërsa në çerekfinale mongolezen Sosorbaram Lkhagvasuren.
Ndaj mongolezes fitoi me Ippon, pasi kundërshtarja e saj i mori tri dënime.
Krasniqi do të luftojë të shtunën e katër shkurtit për të siguruar një tjetër medalje për Kosovën në garat ndërkombëtare.
Për këtë medalje pritet të luftojë me xhudisten franceze, Amandine Buchars në kuadër të kategorisë deri në 52 kilogramë.
Në anën tjetër, ishte xhudistja Laura Fazliu e cila u ndal në raundin e tretë të kategorisë deri 63 kg.
Pak para fundit, gjyqtarët ia dhanë Fazliut dënimin e tretë.
Fazliu u ndesh me kanadezen Catherine Beuchemin-Pinard, e cila është e dyta e ranguar në botë dhe njihet si medaliste olimpike nga Tokio.
Ndërkaq, Flaka Hoxha, ishte ajo që e kaloi amerikanen Holguin por pësoi nga francezja Priscilla Gneto.
Ndryshe, Grand Slam Paris 2023 mbahet të shtunën dhe të dielën, aty marrin pjesë katër xhudiste nga Kosova, Distria Krasniqi, Flaka Loxha, Laura Fazliu dhe Loriana Kuka.
Të dielën mbetet të përballet me kundërshtar Loriana Kuka në katëgorinë 78 kilogramë.
Ndërsa, në këtë Grand Slam do të ketë pjesëmarrës nga 5 kontinente, me 82 shtete, 520 garues, prej të cilëve 315 janë meshkuj e 205 janë gra.