Ceremonia e ndarjes së çmimeve u organizua në Kino Armata, dhe filloi me performancën e Orkestrës Simfonike të Gjakovës, dirigjuar nga profesor Pëllumb Vula.
Ngjarja vazhdoi me ndarjen e çmimeve,ku çmimi për vepër orkestrale- simfonike dhe koncertale u nda për veprën “Constellation” me autor Drinor Zymberi dhe veprën “Viola Concerto” me autor Kreshnik Aliçkaj. Ndërsa, çmimi për vepër kamertale këtë vit iu nda Fjolla Gashit për veprën “Mystral” dhe Ersan Januzit për veprën “Chaos”.
Ndëkaq çmimi për vepër solistike dhe për duo iu nda dy kandidatëve, veprës “Fantasy” të autorit Mehdi Mengjiqi dhe veprës “Tah” nga autori Bardh Dubovci. Po ashtu, vepra “Mars” e Mehdi Mengjiqit u shpërblye me çmimin për vepër korale acapella, ndërsa për vepër korale me shoqërim instrumental çmimin e mori autori Hajrullah Syla për veprën “The Matamorphosis”.
Pjesë të jurisë profesionale ishin: Rafet Rudi, Vaso S. Tole dhe Ermir Bejo.
Në këtë ngjarje ishin të pranishëm edhe Ministri i Kulturës, Hajrulla Çeku dhe personalitete të tjera publike.