Djali i Isa Mustafës për terminalin doganor: Urdhëroni dhe konfiskojeni, ose mbylleni këtë kompani

Besnik Mustafa, djali i sh-kryeministri të Kosovës, e ka ftuar Qeverinë Kurti II që ta konfiskojë terminalin ose ta mbyllë, pasi sipas tij, ai nuk është në pronësi të familjes së tij

Besnik Mustafa, djali i ish-kryeministrit të Kosovës Isa Mustafës

 





“E unë u them, urdhëroni dhe konfiskojeni, ose mbylleni këtë kompani, por do të keni punë me shtetin slloven e jo me familjen Mustafa, sepse nuk është e familjes sonë, por para se ta bëni bisedoni me shtetin slloven. Nuk është as e LDK-së, prej së cilës, frikësoheni aq shumë”, kështu ka reaguar Besnik Mustafa, djali i ish-kryeministrit të Kosovës, Isa Musatafës.

Sipas tij, ata janë duke u akuzuar e shantazhuar nga partia në pushtet për Terminal Doganor, në të cilin, ata nuk janë pronar.

“Kompania ‘Intereuropa’ me veprimtari themelore depo doganore publike, transport dhe shpedicion është kompani sllovene me seli në Koper të Sllovenisë”, ka shkuar ai në Facebook.

“Por pushteti për nevoja të propagandës, kompaninë sllovene dhe terminalin e saj i bënë të familjes tonë. E gjithë kjo për ta shantazhuar dhe kërcënuar në emër të Byros së tyre politike për konfiskim”.

“Jeni në pushtet, i keni të gjitha mundësitë për t’i sqaruar pronësitë e kompanive, themeluesit e tyre dhe fitimet që ato i realizojnë edhe në rastin e terminalit që na e mveshni neve, që në fakt është gënjeshtër e konstruktuar, si për pronësinë ashtu edhe për fitimet”, ka shtuar ai.

Ai e përfundoi duke thënë se bartësit e pushtetit duhet të japin llogari para ligjit për gjëra të tilla, siç është shantazhim, tentime frikësimi dhe konstruksione të rrejshme.

 

Sot, si djem të Isa Mustafës, u akuzuam dhe u shantazhuam nga mediat e VV-së, -parti në pushtet për Terminal Doganor….

Posted by Besnik Mustafa on E hënë, 10 tetor 2022

 





Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika