Një rast jo i zakonshëm ka ndodhur të martën në qytetin e Pejës.  Një grua ka tentuar të vetëvritet si pasojë e presionit apo shtytjes nga biri i saj.

Me të marrë lajmin, Policia e Kosovës ka filluar kërkimin e të dyshuarit i cili është në arrati.

“Bazuar në hetimet fillestare viktima ka tentuar të vetëvritet pasi ka qenë e shtytur nga  djali i saj i dyshuari mashkull kosovar. I dyshuari është në kërkim policor”, thuhet në raportin e Policisë së Kosovës.

Dhunë në familje

Ndërkaq në qytete të tjera si i Mitrovicës, sipas raportit të PK-së, ka pasur dhunë në familje, ku i dyshuari mashkull kosovar ka ushtruar dhunë fizike dhe psikike në bashkëshorten e tij.

I njëjti është liruar në procedurë të rregullt.

Një rast tjetër ku bashkëshorti ka sulmuar fizikisht bashkëshorten ka ndodhur edhe në kryeqytet, ku i dyshuari është dërguar në mbajtje.