Në mëngjesin e 8 korrikut në Tiranë, një banesë është përfshirë nga zjarri. Si pasojë e këtij zjarri, foshnja gjashtëmuajshe ka humbur jetën.

Dorjana Bezat, gazetare e Top Channel, ka siguruar informacion se shkaku i zjarrit dyshohet të jetë bombola gazit.

Në kohën kur zjarri kishte kapluar banesën, foshnja ishte vetëm me gjyshen, kurse nëna nuk ishte e pranishme në ato momente.

Në momentin e ngjarjes, gjyshja e foshnjës sapo kishte parë flakët, kishte dalë nga banesa. Ndërsa, foshnja kishte mbetur brenda deri kur kanë arritur zjarrfikësit.

Foshnja gjashtëmuajshe ka dalë e gjallë nga banesa, por ka humbur jetën në spital për shkak të asfiksisë.