Hajrullah Çeku, ministër i Rinisë, Kulturës dhe Sportit, ka reaguar pas djegies së Muzeut të Muzikës në Gjakovë.
Ai ka deklaruar se u bë krim mbrëmë ndaj trashëgimisë kulturore, dhe se përgjegjësit duhet të marrin dënimin e merituar.
Çeku ka thënë se ndërtesa e muzeut do të restaurohet dhe dha zotim se Muzeun e Muzikës do ta funksionalizojnë.
“Ndërtesa e Muzeut të Muzikës, aseti Taphanja në Gjakovë do të restaurohet dhe do të kthehet në gjendjen origjinale. Pas restaurimit, si ministri do t’i marrim të gjitha masat për funksionalizimin e muzeut”, ka shkruar ai.