Dhjetëra të vrarë dhe 55 të plagosur nga sulmi në Gaza të Palestinës

Ministria e Shëndetësisë së Palestinës ka njoftuar se nga sulmet në Gaza dhjetë civilë janë vrarë dhe 55 të tjerë janë plogusur

Pamje nga sulmet në Gaza të Palestinës. Foto: BBC

Ushtria izraelite ka thënë se po sulmon objektiva në Rripin e Gazës në përgjigje të kërcënimeve nga një grup militant palestinez atje.

Ministrja e Shëndetësisë ka njoftuar se të paktën 10 palestinezë, duke përfshirë një fëmijë dhe një komandant palestinez të Xhihadit Islamik (PIJ), janë vrarë. Kjo pason pas disa ditë tensionesh pasi Izraeli arrestoi një anëtar të lartë të PIJ-së në Bregun Perëndimor të pushtuar.

PIJ me bazë në Gaza kishte kërcënuar se do të kundërpërgjigjej duke bombarduar Izraelin qendror. Kryeministri izraelit Yair Lapid tha se Izraeli nuk do të lejojë “organizatat terroriste të vendosin axhendën”.

“Le të dijë kushdo që ngrihet për të dëmtuar Izraelin se ne do t’i arrijmë. Forcat tona të sigurisë do të veprojnë kundër terroristëve të Xhihadit Islamik për të hequr kërcënimin nga qytetarët e Izraelit,” ka thënë kryeministri izraelit.

Forcat Mbrojtëse të Izraelit (IDF) thanë se po sulmonin vende të lidhura me PIJ. Ato përfshijnë kullën e lartë Palestine në qytetin e Gazës, e goditur nga një shpërthim i fuqishëm që la tym të derdhej nga ndërtesa.

Katër militantë të PIJ – duke përfshirë komandantin, Tayseer Jabari – dhe një vajzë pesë vjeçare kanë qenë në mesin e të vrarëve që nga fillimi i sulmeve, thonë zyrtarët lokalë të shëndetësisë, raporton BBC.

Ata thonë se 55 persona të tjerë u plagosën.

Ministrja e Brendshme e Izraelit, Ayelet Shaked ka thënë se nuk e dinë se si do të ndodhë kjo por kjo mund të marrë kohë. Ky mund të jetë një raund i gjatë dhe i vështirë konflikti.

Duke folur gjatë një vizite në kryeqytetin iranian, Teheran, sekretari i përgjithshëm i PIJ-së, Ziyad al-Nakhala tha “ne do t’i përgjigjemi me forcë këtij agresioni dhe do të ketë një luftë në të cilën populli ynë do të fitojë”.

“Nuk ka vija të kuqe për këtë betejë… dhe Tel Avivi do të jetë nën raketat e rezistencës”.

Të hënën mbrëma, Izraeli arrestoi Bassem Saadi, i cili raportohet se ishte kreu i PIJ në Bregun Perëndimor. Ai u mbajt në zonën e Jeninit si pjesë e një serie të vazhdueshme operacionesh arrestimi pas një vale sulmesh nga arabët dhe palestinezët izraelitë që lanë të vdekur 17 izraelitë dhe dy ukrainas. Dy nga sulmuesit erdhën nga rrethi Jenin.

Pas arrestimit të Bassem Saadi, Izraeli rriti masat e sigurisë për komunitetet pranë kufirit të tij me Gazën, duke paralajmëruar se PIJ synonte të sulmonte civilët dhe ushtarët. Mbyllja e rrugëve i solli qytetet dhe fshatrat në Izraelin jugor në një ndalesë të rëndë.

PIJ, e cila mbështetet nga Irani, ka selinë e saj në Damask, Siri dhe është një nga grupet më të forta militante në Gaza. Ajo ka qenë përgjegjëse për shumë sulme, duke përfshirë raketat dhe të shtënat kundër Izraelit.

Izraeli dhe PIJ luftuan një konflikt pesë-ditor në nëntor 2019 pasi luftimet shpërthyen pas vrasjes nga Izraeli të një komandanti të PIJ-së për të cilin Izraeli tha se po planifikonte një sulm të afërt. Dhuna la 34 palestinezë të vdekur dhe 111 të plagosur, ndërsa 63 izraelitë kishin nevojë për trajtim mjekësor.

Izraeli tha se 25 nga palestinezët e vrarë ishin militantë, përfshirë ata që u goditën duke u përgatitur për të lëshuar raketa.

Izraeli sulmon objektivat palestineze në Gaza, vritet komandati i Al-Quds

Shija e redaktorit

INTERVISTË me Marin Memën: Kemi nevojë të duam më shumë...

Cilki i dokumentarëve, 'Gjurmë Shqiptare' me autorin Marin Mema, në Top Channel Albania përfshin një audiencë të të gjitha moshave. Në 'Gjurmë Shqiptare' trajtohen tema...

Këngët për nder të gjeniut Andy Warhol

Data e 6-gushtit shënon lindjen e një pop artisti si Andrew Warhol, arti i tij i  mrekullueshëm dhe idetë revolucionare të Warhol ishin padyshim...

“Film n’park”, tradita që i rikthehet Prishtinës

Në zemrën e gjelbërt të kryeqytetit, në mesin e dritave, miqve dhe muzikës, është vendi ku “Film n’park” shënon një rikthim pas kufizimeve nga...

Më të lexuarat

RTS zviceran: Personi që paralajmëroi vrasjen e Dick Martyt, është...

Është zbuluar se kush ishte infromatori që tregoi se ka një planë për të vrarë Dick Marty-in. Sipas Programiit të RTS Mise au point  ai...

24 vjet dhe 10 muaj burgim për të akuzuarin i...

Gjykata Themelore në Prizren, të hënën e ka dënuar të akuzuarin Sylejman Ahmeti me 24 vjet e 10 muaj burgim për vrasje. Aktakuza e ngritur...

Komandanti i parë i KFOR-it: Në Veri ekziston një grup...

Komandanti i parë i KFOR-it, Erhard Buhler, në një intervistë për Albanian Post, ka thënë se në veri të vendit ekziston një grup multietnik...

Të fundit nga rubrika