Sokol Dobruna, ish-kryetar i Gjykatës Ushtarake të UÇK-së, ka reaguar pas aktgjykimit të Dhomave të Specializuara të Kosovës ndaj katër ish-krerëve të UÇK-së.
Dobruna ka thënë se nuk ka pritur një rezultat tjetër nga kjo gjykatë “ekskluzivisht politike”.
“Nuk kam pritur më mirë prej një gjykate që është ekskluzivisht politike. Këtë e kanë vërtetuar me sjelljet e tyre ndaj katër udhëheqësve të UÇK-së”, ka deklaruar Dobruna në Debat Plus.
Ai e ka kritikuar aktgjykimin, duke pretenduar se dënimet janë dhënë “pa kurrfarë baze juridike” dhe “pa prova valide”.
“Edhe të vetëdijshëm se janë keq, vazhduan avazin e vjetër ndaj popullit shqiptar”, ka thënë ai.
Dobruna ka thënë se ende nuk dihet se çfarë mund të ndodhë në shkallën e dytë të gjykimit, por është shprehur me shpresë se vendimi i Apelit do të jetë pozitiv dhe do të çojë në lirimin e katër ish-krerëve të UÇK-së.
“Ende nuk jemi të sigurt se çfarë ka ndër plan për shkallën e dytë. Unë shpresoj se është pozitive për makropolitikën që t’i lirojë katër krerët e UÇK-së”, ka thënë Dobruna.
Ai ka shtuar se, sipas tij, ndershmëria u ka kushtuar shtrenjtë shqiptarëve.
Dobruna ka theksuar se aktgjykimi mund të ndikojë në afrimin e shqiptarëve mes vete.
“Ky rast do të na afrojë mes veti, nuk ka me na nda”, ka deklaruar ai.