Dogana e Kosovës ka njoftuar udhëtarët se lirimi nga detyrimet doganore për produktet e duhanit zbatohet në bazë të kufijve sasiorë të përcaktuar për udhëtarë.
Sipas njoftimit, udhëtarët mund të përfitojnë nga lirimi doganor për:
• 200 cigare;
• 100 cigarillos, me peshë jo më shumë se 3 gramë secila;
• 50 puro;
• 50 gramë duhan për tymosje;
• ose një përzierje proporcionale të këtyre produkteve.
Dogana ka theksuar se këto kufij vlejnë për produktet e destinuara për përdorim personal dhe në përputhje me rregullat doganore në fuqi.
“Informohuni përpara udhëtimit dhe respektoni rregullat doganore”, thuhet në njoftimin e Doganës së Kosovës.
