Dogana sekuestron ari në vlerë mbi 59 mijë euro në Aeroportin e Prishtinës
Dogana e Kosovës ka njoftuar se në një operacion të kontrollit doganor, ka ndaluar një kilogram ari të padeklaruar me pastërti prej 14 karatësh. Dogana përmes një postimi në “Facebook” ka njoftuar se gjatë kontrollit të udhëtarëve, imazhet e skanerëve treguan indikacione për mallra të padeklaruara brenda një çante. “Pas hapjes së çantës, u zbuluan […]
Dogana e Kosovës ka njoftuar se në një operacion të kontrollit doganor, ka ndaluar një kilogram ari të padeklaruar me pastërti prej 14 karatësh.
Dogana përmes një postimi në ka njoftuar se gjatë kontrollit të udhëtarëve, imazhet e skanerëve treguan indikacione për mallra të padeklaruara brenda një çante.
“Pas hapjes së çantës, u zbuluan mallrat e fshehura së bashku me dokumentacionin përkatës që shoqëronte mallrat. Pas një vlerësimi të hollësishëm nga Dogana e Kosovës, u konstatua se vlera reale e arit të ndaluar është 59,294.12 euro”, thuhet në njoftim.
Rasti thuhet se është duke u trajtuar në bashkëpunim të ngushtë me sektorin e hetimeve të Doganës së Kosovës dhe Prokurorin e Shtetit, për të analizuar të gjitha detajet dhe për të ndërmarrë veprimet e duhura ligjore ndaj individëve përgjegjës.















