Donfried dhe Escobar vizitojnë Serbinë

Pas vizitës në Kosovë, Ndihmëssekretarja amerikane për Byronë e Çështjeve Evropiane dhe Euroaziatike, Karin Donfried, niset drejt Serbisë

Ndihmëssekretarja amerikane për Byronë e Çështjeve Evropiane dhe Euroaziatike, Karen Donfried, pas vizitës në Kosovë, të martën e 26 prillit do ta vizitojë Beogradin.

Donfried, bashkë me Emisarin special të Shteteve të Bashkuara të Amerikës për Ballkanin Perëndimor, Gabriel Escobar, do të pritet nga presidenti i Serbisë, Aleksandër Vuçiq, kanë bërë të ditur mediat serbe.

Pas vizitës në Serbi, të mërkurën e 27 prillit, Donfried do të udhëtojë drejt Bosnjës dhe Hercegovinës.

Ndërkaq, të hënën e 25 prillit, Donfried në një konferencë për media, kishte thënë se Kosova dhe Serbia duhet të riangazhohen në mënyrë urgjente në dialogun e lehtësuar nga Bashkimi Evropian.

Ndihmësekretarja amerikane për Byronë e Çështjeve Evropiane dhe Euroaziatike, Karen Donfried

Ajo kishte thënë se SHBA-ja i jep prioritet dhe e mbështet dialogun e ndihmuar nga BE-ja, që duhet të jetë i përqendruar në arritjen e një marrëveshje normalizimi të përqendruar në njohje të ndërsjellë.

“Kosova e Serbia duhet të bëhen bashkë e në mënyrë urgjente të riangazhohen në dialogun e lehtësuar nga BE-ja, që ka një mbështetje të fuqishme nga SHBA-ja”, është shprehur Donfried në prononcim për media pas takimit me kryeministrin e Kosovës, Albin Kurti.

Ndërkaq, këtyre dy vizitave u kishte paraprirë vizita e tre senatorëve Chris Murphy, Thom Tillis dhe Jeanne Shaheen. Këta të fundit janë takuar me Presidenten e Kosovës, Vjosa Osmani Sadriu.

“Informova mysafirët tanë për rolin destruktiv që Serbia vazhdon ta luajë në rajonin tonë si aleat i Rusisë në një përpjekje për të tërhequr rajonin tonë drejt së kaluarës, por kam besimin e plotë se bashkarisht do të jemi në gjendje t’i ndalojmë këto ndikime malinje.”, ishte shprehur Osmani në një konferencë për media, bën të ditur RTV Dukagjini.

Janarin e këtij viti, Shefi i diplomacisë së Bashkimit Evropian, Josep Borrell kishte konfirmuar se në Kosovë dhe Serbi do të qëndronin i dërguari i posaçëm për dialogun, Mirosllav Lajçak dhe i dërguari i Shteteve të Bashkuara për Ballkanin Perëndimor, Gabriel Escobar.

Shija e redaktorit

Dukagjini Resort – Ky është projekti përrallor 80 milionësh që...

Një projekt përrallor ka nisur të realizohet në Shëngjin. Ai po realizohet nga Dukagjini Resort, ku plani fillestar është për ndërtimin e disa objekteve e...

EURO DUELI – Nisja e aventurës futbollistike në TV Dukagjini

Sonte ka nisur emisioni “Euro Dueli” në TV Dukagjini, emision kushtuar Kampionatit Evropian. Analiza të detajuara, debate interesante, show, do t’i përcjellin shikuesit përgjatë një...

Parada e Çlirimit, FSK e Policia parakalojnë në Prishtinë

Pasardhëse e UÇK-së, e ushtria e shtetit të pavarur të Kosovës nuk kishte si të niste sot parakalimin në 25 vjetorin e çlirimit pos...

Të fundit nga rubrika