Protesta e organizuar nga Kolektivi për Mendim dhe Veprim Feminist, vjen si rrjedhojë e raportimeve të shpeshta të dhunimit seksual ndaj vajzave dhe grave, në veçanti, të rastit të dhunimit së 11-vjeçares, nga pesë burra në Prishtinë.
Kësaj proteste i është bashkuar edhe kryetari i Rinisë së Partisë Demokratike të Kosovës, Donjet Bislimi.
Ai në një prononcim të shkurtër për Portalin Dukagjini, ka treguar arsyen e pjesëmarrjes së tij në protestë, ku ka thënë se duhet mbrojtur vlerat familjare.
“Arsyeja pse kemi dal unë dhe gjithë këta qytetarë në protestë është shumë e thjesht, të mbrojmë vlerat tona familjare, të mbrojmë vajzat tona, gratë tona”, ka thënë ai.
Ndërsa, gjatë ditës së mërkur Bislimi nëpërmjet një postimi në Fcaebook iua ka bërë thirrje të të gjithë qytetarvë të Kosovës të dalin në këtë protestë.
Sipas asaj çfarë po ndodhë në vendin tonë nuk duhet të tolerohet aspak, dhe duhet të luftohet me çdo mjet, si nga juristët kosovarë, si dhe nga politikanët të cilët duhet të bëhën bashkë njëzëru dhe të zotohen për sigurinë e motrave tona.
Bislimi ka shkruar se personat që kryjnë akt përdhunimi nuk duhet të kenë as trajtim mjekësor, e lerë më trajtim human, dhe se secila familje duhet të edukoj pasardhësit e tyre pasi kjo dukuru është e pafalshme.
Ai ka përfunduar postimin duke shkruar se personat që përdhunojne kanë emër dhe mbiemër, dhe ne duhet ti njohim.