Donjeta Sadikut i mohohet për herë të tretë pjesëmarrja në Botërorin e boksit

India nuk e njeh Kosovën si shtet dhe Qeveria e këtij vendi nuk po pranon ta pajisë garuesen kosovare me vizë të këtij shteti, e njëherazi Donjeta Sadiku po ndihet e shkatërruar

Donjeta Sadiku po ndihet e shkatërruar.

Boksieres kosovare po i mohohet për herë të tretë një e drejtë elementare – pjesëmarrja në Kampionat Botëror.

Në fakt, India nuk e njeh Kosovën si shtet dhe Qeveria e këtij vendi nuk po pranon ta pajisë garuesen kosovare me vizë të këtij shteti.

Prandaj, boksieria nga Gollaku shpresoi deri sot, në ditën e fundit kur edhe do të duhej të nisej për në Indi, por nuk ka marrë përgjigje dhe shpresat dhe ëndrrat iu shuan.

“Nuk kam marrë ende përgjigje nga India. Federata e Boksit të Indisë e ka lejuar pjesëmarrjen time në Botëror dhe IBA ka thënë se nuk do të ketë problem nga Qeveria e Indisë, ndërsa ministria e jashtme e këtij vendi nuk është përgjigjur ende rreth aplikimit tim për vizë”, deklaroi Sadiku për mediumin indian “PTI”.

“Ministri ynë i Sportit po mundohet të kontaktojë me ta, por i kemi humbur shpresat. Të hënën është dashur të udhëtonim, pasi i kishim blerë biletat, por nuk kemi marrë përgjigje”, shtoi Sadiku.

“Unë nuk e di se përse IBA ia lejoi Indisë organizimin e këtij Botërori, duke e ditur që ky vend nuk më lejoi të merrja pjesë në të kaluarën. Është hera e tretë që Qeveria e Indisë nuk më lejon të marr pjesë në Kampionat Botëror. Jam mjaft e dëshpëruar, e zhgënjyer, kam ushtruar shumë dhe isha mjaft e motivuar të merrja medalje në Indi”, ankohet boksieria kosovare.

Federata e Boksit të Kosovës ka paralajmëruar se do t’ju dërgojë letra krejt Federatave botërore, për t’i njoftuar për padrejtësitë që po i bëhen garueses kosovare.

Shija e redaktorit

Aksioni i Policisë në veri, konfiskohen rreth 74 milionë dinarë

Policia e Kosovës ka shpalosur detaje shtesë lidhur me aksionin e zhvilluar gjatë ditës së sotme në veri të vendit. Sipas njoftimit të Policisë së...

Melinda Ademi publikon projektin e ri “Kiss me”

Këngëtarja e njohur, Melinda Ademi, ka publikuar projektin e saj më të ri me titullin “Kiss Me”. Kënga e publikuar është me melodi dhe tekst...

Dafina dhe Ylli vazhdojnë t’i “trazojnë ujërat”, pozojnë me...

Këngëtarja e njohur, Dafina Zeqiri, sot ka kapur vëmendjen e të gjithëve me postimin e saj të fundit në rrjetin social "Instagram". "Duar të bashkuara"...

Të fundit nga rubrika