Para disa ditësh, në Fier mbeti i vrarë një punonjës policie.
Autori i vrasjes, Azgan Mernica, 23-vjeçar, është vetëdorëzuar në polici.
“Në pamundësi për t’u larguar, familjarët kanë vetëdorëzuar në polici autorin e vrasjes së punonjësit të policisë, shtetasin Azgan Mernica, 23 vjeç, i cili aktualisht ndodhet në ambientet e Drejtorisë Vendore të Policisë Fier” thuhet në njoftimin e Policisë së Shtetit.
Forcat Speciale RENEA, Forcat Kombëtare të Sigurisë dhe shërbimet e Drejtorisë Vendore të Policisë Fier, në drejtimin e Drejtorit të Përgjithshëm të Policisë së Shtetit, kanë vijuar pa ndërprerë veprimet operacionale në terren, me qëllim kapjen e autorit të vrasjes së punonjësit të Policisë Novruz Cenalia.
Paralel me veprimet operacionale në terren, Departamenti i Policisë Kriminale ka zhvilluar negociata me familjarët e autorit për t’u vetëdorëzuar.
“Grupi hetimor, në drejtimin e Prokurorisë, po vijon veprimet hetimore dhe procedurale me autorin e dyshuar, Azgan Mernica,” shkruhet në njoftim.
Fillimisht, të dy kishin debatuar me fjalë e më pas kishin dalë nga veturat, e në atë moment, Azgan Mërnica kishte qëlluar me një plumb në kokë policin që po shkonte në punë.