Mercenarët e grupit ushtarak “Wagner” janë larguar nga selia ushtarake nga qyteti të cilin e pushtuan para disa orësh, Rostov-on-Don, së bashku me shefin e tyre, Yevgeny Prigozhin.
Gjatë largimit të tyre banorët e qytetit kanë brohoritur “Wagner! Wagner!”, duke treguar dukshëm mbështetje për mercenarët, shkruan BBC.
Udhëheqësi mercenar i “Wagner”, Prigozhin, e bëri të ditur në kanalin e tij Telegram duke thënë se ka rënë dakord të “ndalojë” lëvizjen e trupave të tij që po përparojnë drejt kryeqytetit rus.
Siç shkruan Associated Press, Prigozhin ka thënë se ndërsa njerëzit e tij janë vetëm 200 kilometra nga Moska, ai vendosi t’i kthejë ata për të shmangur “gjakderdhjen ruse”.
Mediat shtetërore ruse sapo kanë raportuar se shefi i “Wagner”, Prigozhin do të niset për në Bjellorusi. Raportet thonë se akuzat kundër tij dhe forcave të tij “Wagner” do të hiqen nga autoritetet ruse për të shmangur “gjakderdhjen”.