Ministri i Kulturës, Rinisë dhe Sportit, Hajrullah Çeku, ka ndarë çmimet për dramën origjinale shqipe “Katarina Josipi”, të mërkurën e 9 nëntorit, por nuk ka ndarë çmimin e parë.
“Çmimi i parë është vendosur nga juria profesionale të mos ndahet këtë vit me qëllimin e ngritjes së nivelit konkurrues gjatë viteve në vijim dhe ruajtjes së vlerave artistike”, shkruhet në postimin e Ministrisë.
Ceremonia e ndarjes së çmimeve është organizuar në Biblotekën Kombëtare të Kosovës “Pjetër Bogdani”, në Prishtinë.
Këtë vit janë dhënë vetëm dy çmime, vendi i dytë dhe i tretë.
Ministri Çeku ka ndarë çmimet për lauretatët. Zymber Kelmendi ka fituar vendin e dytë me dramën “Pastaj lindën legjendat”, ndërsa Osman Goranci është shpërblyer me çmimin e tretë me dramën “Jeto tani për mua”.