Federata e Futbollit e Kosovës (FFK) iu bashkua protestës së organizuar nga platforma “Liria ka Emër” në mbështetje të ish-krerëve të Ushtrisë Çlirimtare të Kosovës që po gjykohen në Hagë,
Në postimin e saj, FFK i bëri thirrje komunitetit të futbollit dhe qytetarëve që të bashkohen për të treguar mbështetjen për drejtësinë dhe për të vlerësuar sakrificat e atyre që luftuan për lirinë e vendit, njofton Dukagjini.
“Drejtësi, jo politikë!” është mesazhi kryesor që Federata e Futbollit e Kosovës dhe platforma “Liria ka Emër” dëshirojnë t’i përcjellin publikut përmes kësaj iniciative.
Kujtojmë se marshi do të mbahet më 17 shkurt duke filluar në orën 14:00 në Sheshin “Skënderbeu” në Prishtinë.