Drejtori i Inspektoratit në Prishtinë: Po lirohen të gjitha hapësirat që ishin të uzurpuara më parë

Drejtori i Inspektoratit në Prishtinë, Florian Dushi, për Radio Dukagjini ka thënë se në aksionin e sotëm janë duke u liruar të gjitha hapësirat publike që ishin të uzurpuara më parë

Drejtori i Inspektoratit në Prishtinë, Florian Dushi

Drejtori i Inspektoratit në Prishtinë, Florian Dushi, lidhur me inspektimet e sotme në kryeqytet ka thënë se aksioni është duke u zhvilluar në qendër të kryeqytetit dhe se janë duke u trajtuar të gjitha rastet.

“Aksioni është duke vazhduar në zonën qendër të kryeqytetit për momentin dhe natyrisht që janë duke u trajtuar të gjitha rastet, të cilat mbi bazën e informacioneve dhe konstatimeve të inspektorëve kemi ardhur në përfundim që janë duke u shfrytëzuar hapësirat pa leje të organit kompetent.

Kemi parasysh që bizneset e gastronomisë, ka prej tyre që shfrytëzojnë hapësira publike, po për të cilat organet kompetente të kryeqytetit kanë dhënë pëlqimin e tyre duke marrë parasysh shumë rrethana, por disa të tjera kanë ngritur konstruksione në to, kanë ndërhyrë në hapësira të gjelbra, prandaj jemi duke punuar intensivisht në lirimin e këtyre hapësirave”, ka thënë Dushi për Radio Dukagjini.

Dushi ka treguar se nuk ka kundërshtime nga bizneset sepse sipas tij, ato e kanë kuptuar se janë hapësira që ata nuk mund të zhvillojnë veprimtarinë e tyre.

Më tej, drejtori i Inspektorarit në Prishtinë ka theksuar se do të vazhdojnë edhe në zona të tjera të Prishtinës ku kjo dukuri është më e ritheksuar.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika