Nënkryetari i Prishtinës, Alban Zogaj ka njoftuar se të hënën Drejtoria e Inspescionit i ka larguar nga rrugët të gjithë shitësit të cilët ishin duke e zhvilluar veprimtarinë e tyre afër Tregut të Gjelbër.
Zogaj ka bërë të ditur se përveç largimit të shitësve, është pastruar ajo pjesë nga mbeturinat që kishin vite që gjendeshin aty.
“Drejtoria e Inspekcionit – Komuna e Prishtinës ka larguar të gjithë shitësit nga rrugët në afërsi të tregut të gjelbër, dhe njëkohësisht ka organizuar pastrimin e këtyre rrugëve nga mbeturinat e shumta të grumbulluara aty ndër vite”, ka shkruar Zogaj në Facebook.
Ai i ka falënderuar shitësit siç ka thënë për mirëkuptim dhe për bashkëpunimin e treguar gjatë aksionit të inspeksionit. Sipas nënkryetarit të Prishtinës pas këtij aksioni tregtarët do të kenë çasje më të lehtë dhe më të përshtatshme në treg, dhe po ashtu Komuna e Prishtinës do të ketë kontroll më të lehtë në këtë treg.
