Prokjetligji për skemat penisonale ka kaluar gjatë ditës së enjte në Kuvend dhe për këtë ka reaguar deputeti i AAK-së, Shemsedin Dreshaj, duke thënë se “është shkelur edhe një herë vendimi i Gjykatës Kushtetuese”.
Sipas tij, Qeveria Kurti e “vërteton edhe një herë mashtrimin e paskrupullt”.
“Mashtrimi vazhdon, kushtetuesja e pafuqishme! Sapo u shkel edhe një herë vendimi i Gjykatës Kushtetuese për Projektligjin për ndryshimin dhe plotësimin e Ligjit nr. 04/L-131 për Skemat pensionale të financuara nga shteti. Logjika autoritare, kundër kushtetuese dhe diskriminuese ndaj kategorisë më të ndejshme të kësaj shoqërie, të pensionuarve u goditën edhe një herë pas shpine nga kjo qeveri. Kjo qeveri vërteton edhe një herë mashtrimin e paskrupullt. Mos miratimi i amendamenteve të propozuara nga unë si deputetë i Aleancës për Ardhmërinë e Kosovës tregon se qeveria nuk pranon mendim edhe atëherë kur ka një opinion obligues nga gjykata kushtetuese. Këto amandamente u votuan kundër nga pushteti!”, ka shkruar Dreshaj.