Drita kërkon befasinë ndaj Antwerp

Gjatë mbrëmjes së 21 korrikut skuadra e Dritës do të ballafaqohet me skuadrën belge, Antwerp në kuadër të Ligës së Konferencës Europiane

FC Drita

Skuadra e Dritës do të kërkojë të befasojë në udhëtim skuadrën e njohur belge, Antwerp, në ballafaqimin që luhet në kuadër të Ligës së Konferencës Europiane.

Përballja në fjalë nis sonte (të enjten) e 21 korrikut me fillim nga ora 19-të, ndërsa kaltërebardhët nga Gjilani hyjnë në këtë sfidë të motivuar nga kalimi tutje që e patën ndaj Inter Turkut të Finlandës.

Megjithatë, përveq se është një klub i njohur, edhe vetë skuadra aktuale e Antwerp vlen shumë herë më shumë sesa ajo e Dritës në tregun e transferimeve.

Sipas websajtit të specializuar për statistika, Transfermarkt, skuadra që drejtohet nga legjenda holandeze, Mark van Bommel, vlen 67.2 milionë euro, kundrejt asaj të Dritës, vlera aktuale e së cilës kap shifrën e 4.4 milionë eurove.

Gjithsesi, jo çdoherë vlera në tregun e transferimeve nënkupton fituesin, dhe pikërisht këtë fakt gjilanasit do të kërkojnë ta kthejnë në favor të tyre, duke marrë një rezultat pozitiv në ballafaqimin e sotëm në udhëtim.

Shija e redaktorit

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Shqipëria performon më 9 maj në Eurovision

Festivali evropian i këngës "Eurovision" ka publikuar listat me shtetet që do të performojnë në dy gjysmëfinalet e këtij viti, më 7 dhe 9...

Të fundit nga rubrika