Talenti i Eintracht Frankfurtit, Dritan Maqka, nga dita e shtunë e 9 tetorit do të jetë anëtari më i ri i Kombëtares së Kosovës.

Futbollisti 18-vjeçar me prejardhje nga Kosova, i lindur në Gjermani, deri më tash ka qenë pjesë e ekipit kombëtar gjerman U18, por tani e tutje ka vendosur t’i mbrojë ngjyrat e Kombëtares së Kosovës.

Federata e Futbollit të Kosovës nëpërmjet një njoftimi kanë bërë të ditur se Dritan Maqka të shtënë është takuar me presidentin e kësj federate, Agim Ademi, dhe drejtorin e Kombëtares, Muharrem Sahiti.

Drejtorin i Kombëtares së Kosovës Muharrem Sahiti, Dritan Maqkaj dhe presienti i FFK-së, Agim Ademi

Maqkaj luan si anësor i majtë në ekipin u19 të Eintracht Frankfuritit, “i cili tash e sa kohë ka qenë nën përcjelljen e përfaqësuesit të FFK-së në Gjermani, Fekmi Kongjeli”, thuhet në njoftimin e FFK-së.

Ai fillimisht pritet të luajë për Kombëtaren U21, derisa duke pasur parasysh potencialin e tij të madh, në të ardhmen e afërt pritet të jetë edhe pjesë e Kombëtares A.